சிந்தனைக்கு சில சீரிய சிந்தனைகள், best quotes on the Tamil calender

அனைவருக்கும் வணக்கம்,. வலைத்தளத்தில் பதிவு போட்டு நிறைய நாள் ஆகிருச்சே நம்மை எல்லோரும் மறந்திருப்பார்களே? நாளை நிச்சயம் ஏதாவது ஒரு பதிவு போட்டாத்தான் விளையாட்டில் நாமும் இருப்பது நிறைய பேருக்கு ஞாபகம் இருக்கும் என்ன செய்யலாம்.., ம்ஹும் என்ன பதிவு போடலாம் என்று நினைத்துக்கொண்டே படுக்கையில் சாய்ந்தபோது கண்ணில் பட்டது அறையில் இருந்த அந்த காலண்டர். அட அந்த காலண்டரில் தேதிக்கு கீழே தினமும் ஏதாவது ஒரு நல்ல கருத்து இருக்குமே அதை தொகுத்து ஒரு பதிவாக போட்டால் என்ன..? என்ற சிந்தனை என் மூளையில் உதித்தது, அந்த சிந்தனையை செயலாக்கியதே இந்த பதிவு, சரி இனி கருத்துகளுக்கு செல்வோமா ..?  

ஒரு இல்லத்தை முழுமையான இல்லமாக மாற்ற பெண்களால் மட்டுமே முடியும்.

தன் குற்றங்களை உணராதவன் எவனோ அவனே உண்மையான குருடன்

ஒருவன் பக்தியோடு இருப்பதை காட்டிலும் நல்லவனாக இருப்பதே சிறந்தது.

இறைவன் உங்கள் உள்ளங்களையும் நற்செயலையும் தான் பார்க்கிறார், அல்லாமல் உங்களிடமுள்ள செல்லவத்தை அல்ல

நம்முடைய இதயக் குமுறலை மூழ்கடிக்கும் அற்புதமான சக்தி படைத்தது சிரிப்பு

வாழ்ந்து முடித்த ஒரு மனிதனின் வாழ்வு, வாழ்ந்து கொண்டிருக்கும் ஒரு மனிதனின் வாழ்வுக்கு கண்ணாடி

தற்பெருமை எங்கு முடிகிறதோ அங்கிருந்தே துவங்குகிறது அந்த மனிதனின் ஒழுக்கம்.

ஒரு துளி பேனா மை ஒரு லட்சம் மனிதர்களை சிந்திக்க வைக்கிறது

நேர்மையாக வாழுங்கள் சில சமயம் அதுவே உங்கள் தோல்வியை வெற்றிகளாக மாற்றும் காரணிகளாக இருக்கும்

ஒரு மனிதனின் ஆயுளின் பெருமை அவன் வாழும் ஆண்டுகளில் இல்லை, அவன் வாழும் முறையில் தான் உள்ளது

உண்மை, இறைவனை காட்டிலும் சக்தி வாய்ந்ததாக இருப்பதால் இறுதியில் அதுவே ஜெயிக்கிறது

ஓய்வு உடலுக்கான அழகான ஆடை, ஆனால் அதை தொடர்ந்து அணிவது நல்லதல்ல

சொற்கள் சில சமயம் வாளை (Sword) விட அதிகம் வெட்டுகிறது

சில இடங்களில் நல்லதை செய்வதாக இருந்தாலும் நிதானித்து தான் செய்ய வேண்டியதுள்ளது.

முயற்சிக்கும் வரை எவருக்கும் தன் திறமை தெரிவதில்லை

எப்போது ஒருவன் தன் தவறை ஒப்புக்கொள்ள ஆரம்பிக்கிறானோ அப்பொழுதே அவன் வெற்றி பெற தகுதியானவனாகிவிடுகிறான்.

பொறுமை அதிகம் உள்ளவனே எதையும் சாதிக்கும் ஆற்றல் உள்ளவனாக இருக்கிறான்

மற்றவர்கள் துயரங்களை கேலி செய்யும் நெஞ்சங்களைப் போல கேவலமானவை உலகில் வேறேதும் இல்லை 

புத்தகம் மனித பிறவிகள் இல்லை, ஆயினும் அவை உலகத்தில் என்றென்றும் உயிருடன் வாழ்கின்றன

அட என்னய்யா, நல்லாத்தானே போய்கிட்டு இருந்துச்சு திடீர்ன்னு எதுக்கு இந்த கொலைவெறி ஏன் இப்படி மொக்கை பதிவை போட்டு எங்களை கொல்லுற என்று கேட்பவர்களுக்கு ஒன்று சொல்லிக் கொள்ள ஆசைப்படுகிறேன் அது என்னவென்றால் அலுவலகத்தில் சென்ற மாதம் முழுவதும் வேலைப்பளு சற்று அதிகமாக இருந்ததால் தகவல்களை சேகரிப்பதில் சற்று சுணக்கம் ஏற்பட்டுவிட்டது என்பதை பணிவுடன் தெரிவித்துக்கொள்கிறேன் இருந்தாலும் விரைவில் ஒரு பயனுள்ள பதிவின் வாயிலாக உங்களை சந்திக்கிறேன் என்று கூறிக்கொண்டு விடைபெறுகிறேன்.., நன்றி வணக்கம் ..!

	Tweet

பதிவுகளை தவறவிடாமல் வாசிக்க உங்கள் மின்னஞ்சல் முகவரியை கீழே உள்ளிட்டு பதிவு செய்து கொள்ளுங்கள்