மை நேம் இஸ் சிட்டி..ஸ்பீடு ஒன் டெரா பைட்ஸ்..மெமரி ஒன் ஜெட்டா பைட்ஸ்; My name is City speed one terabytes memory one zettabytes

அனைவருக்கும் வணக்கம்.., தலைப்பை பார்த்து எந்திரன் சினிமா விமர்சனம் - என்று நம்பி வந்திருக்கும் சினிமா பிரியர்களுக்கு பதிவின் ஆரம்பத்திலேயே ஒன்று சொல்லிக்கொள்கிறேன்., சர்வ நிச்சயமாய் இது சினிமா விமர்சன பதிவு இல்லை.! நீங்கள் நினைக்கும் எந்த விஷயமும் இந்த பதிவில் இருக்கப் போவதில்லை.! ஆகையால் இப்போதே இந்தப் பக்கத்தை மூடிவிட்டு வேறு ஏதாவது நல்ல (!) தளங்களுக்கு ஓடிவிடுவது உத்தமம்J..! இதற்க்கு பிறகும்.., நீங்கள் இந்த பதிவை வாசித்து விடுவது என்ற திடமான மனதுடன் இருந்தால் உங்களுக்கு நிகழவிருக்கும் துயரத்திற்கு என்னால் பொறுப்பேற்க முடியாதுJ.! 

கிட்டத்தட்ட ஒரு மாத கால ஓய்விற்கு பிறகு எழுதும் முதல் பதிவு என்பதால்., பதிவிற்கு வைக்கப்படும் தலைப்பில் முக்கியத்துவம் இருக்க வேண்டும் என்று கருதினேன்.! தலைப்பிற்க்காக இரண்டு நாட்களாக மூளையை (அப்பிடி ஒன்னு உனக்கு இருக்கான்னு கேக்காதீங்க ஹி ஹி) கசக்கி கசக்கி யோசித்தும்., ஒன்றும் புலப்படாமல் போனதால் இறுதியில் நண்பனை (அப்படித்தான் சொல்லணும் இல்லைனா அடிப்பாய்ங்கJ) அணுகியபோது அவன் ஒரு "டெரர்ரான" யோசனையைக் கூறினான்.! இதுபோன்ற சிக்கலான (!) பிரச்சனைகளை தான் சந்திக்கும் போது "மெய் மெய்யப்பன்" புகழ்பெற்ற ஜோதிடரிடம் கன்சல்டிங் செய்து., அவரது யோசனைப்படி செயல்படுவதாகவும்., அவரால் இந்த பிரச்னைக்கு (!) நல்ல தீர்வைக் கொடுக்க முடியும் என்றும் கூறினான்.! அப்போதைக்கு எனக்கும் வேறு வழி தெரியாததால்., "சரி., எதற்கும் ஒரு முயற்சி செய்து பார்ப்போமே" - என்று கிளம்ப ஆயத்தமானேன்.!

ஜோதிடப்புலி "மெய் மெய்யப்பன்" பற்றி கேள்விபடாதவர்கள் யாரும் இருக்க முடியாது என்று நினைக்கிறேன். இவர்., உலகின் மூலை முடுக்குகளிளெல்லாம் மிகவும் புகழ் பெற்ற ஜோதிடர்.! நம்ம சூப்பர்ஸ்டார் ரஜினிகாந்த்தே எதை செய்வதாக இருந்தாலும் இவரிடம் யோசனை பெற்றுத்தான் செய்கிறார் என்றால் பார்த்துக்கொள்ளுங்களேன்.! அதுமட்டுமில்லை., உலகிலேயே இவர் ஒருவர் தான் "ஒரு ஜாதகத்தில் ஒன்பது கிரகங்களும் உச்சம் பெற்று போனில் பேட்டரி இருந்தாலும் பேசுவார் பேட்டரி இல்லாவிட்டாலும் பேசுவார்.!" அப்படிப்பட்ட மகிரிஷி., என்னுடைய அடுத்த பதிவிற்கான தலைப்பை சொல்வதாக சொன்னதும் அவர் முன்னே இருவரும் பவ்யமாய் அமர்ந்தோம்.! எனது ஜாதகத்திலுள்ள கட்டம் கட்டிடம் வட்டம் செவ்வகம் ஆகிய அனைத்தையும் ஆராய்ந்து.., இந்த தலைப்பை மட்டும் நீங்கள் வைத்தீர்கள் என்றால் ஒரே வாரத்தில் உங்கள் தளத்திற்கு ஆயிரம் பாலோயர்ஸ் கிடைப்பது உறுதி என்றார்.! ஆயிரம் பாலோயர்ஸ் என்றதும் என் கண்ணில் பேராசை பளபளக்க., மறுபேச்சில்லாமல் அவர் சொன்ன தலைப்பையே இந்த பதிவிற்கு வைத்துவிட்டேன் அந்த தலைப்பு தான் இது.! (ஒரே ஒரு சினிமா தலைப்பு வைச்சதுக்கு.... எவ்வளவு நீளமா விளக்கம் கொடுக்க வேண்டியதிருக்குடா சாமி J)

எனது சென்ற வார வலைச்சர ஆசிரியர் பணி பற்றி அனைவரும் அறிவீர்கள் என்று நினைக்கிறேன்.! தினமும் ஒரு பதிவு என்று மொத்தமாக ஏழு பதிவுகள் ஏழுதினேன்.! எழுதிய ஏழு இடுகைகளிலும் என்னால் முடிந்த வரை சில நல்ல கருத்துக்களையும் பதிவு செய்ய முயன்றிருப்பேன்.! அவற்றை உங்களில் யாரேனும் வாசிக்க தவறியிருந்தால்., அவற்றை வாசிக்க செய்வதே இந்த இடுகையின் நோக்கம்.! எழுதிய ஏழு பதிவுகளின் தலைப்பையும் பதிவின் முன்னோட்டத்தையும் கீழே வரிசைப்படுதியுள்ளேன்.! தவறவிட்டவர்கள்... தவறாமல் வாசித்து தங்களது கருத்துக்களை கூற வேண்டுகிறேன்.! சரி இனி பதிவிற்கு செல்வோம் வாருங்கள்.!

முதல்நாள்: வரலாறே., தன் வரலாறு கூறுகிறதே...ஆச்சிரியக்குறி!

என்னை பற்றிய அறிமுக இடுகை இது.! நான்...சமீப காலமாக ப்ளேட் பீடியா-கார்த்தியை அதிகமாக வாசிப்பதாலோ என்னவோ., எனது அறிமுக பதிவில் காமெடியை நுழைப்பதாக நினைத்துக்கொண்டு ப்ளேடு போட பார்த்திருப்பேன்.! நீங்கள் ப்ளேடுக்கு தப்பியவர்கள் என்றால் நிச்சயம் இந்த பதிவை வாசித்து உங்கள் ரத்தத்தை பார்த்துக்கொள்ளவும்J.! பதிவை வாசிக்க இங்கு கிளிக்கவும்!

இரண்டாம்நாள்: என் சீட்டுகட்டுல 3 ஜோக்கர்ஸ்

முத்துசிப்பிக்குள் முத்துக்கள் எவ்விதம் உருவாகின்றன., இயற்கையாக இல்லாமல் செயற்கையாக முத்துக்களை முத்துச்சிப்பிக்குள் எவ்வாறு உருவாக்குக்கிறார்கள் போன்ற தகவல்களுடன் பதிவுலகில் நான் விரும்பி ரசித்து வாசித்து வரும் சில நகைச்சுவை பதிவர்களைப் பற்றியும் எழுதியிருப்பேன்.! பதிவை வாசிக்க இங்கு கிளிக்கவும்!

மூன்றாம்நாள்: ப்ளாக்கர்ர்ர்... மெக்கானிக்ஸ்.!

பெருகிவரும் மின்னணு குப்பைகளால் எதிர்காலத்தில் மனித குலத்திற்கு ஏற்படவிருக்கும் தீமைகள் பற்றி எனக்கு தெரிந்த வரையில் சுருக்கமாக இந்த பதிவில் எழுதியிருக்கிறேன்.! அதுமட்டுமின்றி என்னை கவர்ந்த சில தொழில்நுட்ப பதிவர்களின் தளங்களை பற்றியும் குறிப்பிட்டிருப்பேன்.! பதிவை வாசிக்க இங்கு கிளிக்கவும்!

நான்காம்நாள்: தருமியல்ல இவர்கள்..சிவன்.!

மனிதனுக்கு அடிபட்டால் ஏன் வலிக்கிறது.., அப்போது உடலில் நிகழும் மாற்றங்கள் என்னென்ன..., அந்த நேரத்தில் மனித மூளையின் செயல்பாடுகள் எப்படி இருக்கும் போன்றவை பற்றி இப்பதிவில் கூற முயற்சித்திருப்பேன் அதோடு என்னை கவர்ந்த சில கவிஞர்களின் வலைத்தளங்கள் பற்றியும் குறிப்பிட்டிருப்பேன்.! பதிவை வாசிக்க இங்கு கிளிக்கவும்!

ஐந்தாம்நாள்: மகாகனம் பொருந்திய பதிவர்கள்.!

உண்மையில் நாம் ஏன் கண்ணாடி அணிகிறோம் என்பதை விளக்குவதற்க்காக தான் இந்த பதிவை எழுத முயற்சித்தேன்.! நேரமின்மை காரணமாக பதிவை முழுமையாக எழுத முடியாமல் போய்விட்டது.! மேலும் இந்த பதிவில் வலையுலகில் நல்ல கருத்துக்களை எழுதிக்கொண்டிருக்கும் சில நல்ல பதிவர்களின் வலைத்தளங்கள் பற்றியும் குறிப்பிட்டிருப்பேன்.! பதிவை வாசிக்க இங்கு கிளிக்கவும்!

ஆறாம்நாள்: மிரட்டும்.. பெண் வேங்கைகள்.!

ஃபிரிட்ஜில் வைக்கப்படும் உணவுப்பொருட்கள் எப்படி கேட்டுப்போகாமல் இருக்கிறது என்பதை பற்றி இந்த பதிவில் சுருக்கமாக கூறியிருப்பேன்.! அதோடு வலையுலகில் மிரட்டிக்கொண்டிருக்கும் சில பெண் பதிவர்களின் வலைத்தளங்கள் பற்றியும் எழுதியிருப்பேன்.! பதிவை வாசிக்க இங்கு கிளிக்கவும்!

ஏழாம்நாள்: இன்றே கடைசி!

வலைச்சர ஆசிரியராய் நான் எழுதிய கடைசிப் பதிவு.! எழுதும் ஒவ்வொரு பதிவுகளிலும் ஏதாவது பயனுள்ள தகவல்களும் இருக்க வேண்டும் என்று நினைத்ததால் அதற்குண்டான தகவல்களை சேகரிப்பதிலேயே அதிக நேரம் போய்விட்டது இதன் காரணமாக பரிந்துரைப்பதற்க்காக தேர்ந்தேடுத்து வைத்திருந்த பாதிக்கும் மேற்பட்ட பதிவர்களை சரியான முறையில் பரிந்துரைக்க முடியாமல் போய்விட்டது.! இந்தப் பதிவை வாசிக்க இங்கு கிளிக்கவும்!

வலைச்சரத்தில் சொல்ல மறந்த கதை: கம்ப்யூட்டர் என்றதும் நம்முடைய நினைவில் வருவது ஃபர்சனல் கம்ப்யூட்டர்ஸ் (Personal computer such as Desktop Computers) மற்றும் நோட்புக் (Notebook such as Laptops) ஆகியவை தான் இல்லையா நண்பர்களே.! உண்மையில்.., கம்ப்யூட்டருக்கு நமக்கு தெரியாத இன்னொரு முகமும் உண்டு அதுதான் உட்பொதிக்கப்பட்ட கணினிகள் என்று அழைக்கப்படும் எம்பேடட் கம்ப்யூட்டர்ஸ் (Embedded Computer).! கம்ப்யூட்டரின் முக்கிய பாகமே கட்டுப்பாட்டகம் தான்.! அந்த கட்டுப்பாட்டகத்தின் முக்கிய அங்கம் Embedded Systems.! இதுதான் இயக்கங்களை கட்டுப்படுத்தும் தலைமை செயலகம்.! கணிணிக்காகவே உருவாக்கப்பட்ட அமைப்பு.! இன்று நாம் அன்றாடம் உபயோகிக்கும் கைகடிகாரம் முதற்கொண்டு அனைத்திலும் உட்பொதிக்கப்பட்டுள்ளது.! Embedded Systems அமைப்பு உட்பொதிக்கப்பட்ட அனைத்துமே கணினிகள் தான் அந்த வகையில் நான் அன்றாடம் உபயோகிக்கும் எம்.பி-3 பிளேயர்கள் (Mp3 players) முதற்கொண்டு சண்டை விமானங்கள் (Fighter Aircraft) வரை மற்றும் மின்சாரத்தில் இயங்கும் சாதாரண விளையாட்டு பொம்மைகள் முதற்கொண்டு தொழிற்துறை எந்திரங்கள் (Industrial Roberts) வரை அனைத்தும் உட்போதிக்கப்பட்ட கணிணிகள் வகையைச் சார்ந்தவைதான்.! இதனை பிளாக்கர் மெக்கானிக்ஸ் பதிவில் எழுத நினைத்து மறந்துபோனேன்.!

அபெளட் மை ப்ளாக் ஸ்டேட்ஸ்: தமிழ் வலைப்பதிவுகளுக்கான திருத்தப்பட்ட தரவரிசை பட்டியல் தமிழ்மணத்தால் கடந்த ஞாயிற்றுக்கிழமை வெளியிடப்பட்டது உங்கள் அனைவருக்கும் தெரிந்திருக்கும் என்று நினைக்கிறேன்.! தரவரிசை பட்டியலில் இரட்டை இலக்கங்களை எட்டுவது என் ஆறுமாத கால கனவாக இருந்தது.! அந்த கனவு கடந்த ஞாயிறு அன்று தான் நிறைவேறியது. கடந்த ஒரு மாதகாலமாக நான் பதிவுகள் ஏதும் எழுதவில்லை இருப்பினும் 85-ஆவது இடம் பிடித்திருப்பது மகிழ்ச்சியளிக்கிறது.! இதற்க்கு காரணம் நிச்சயமாக நீங்கள் தான்.! உங்கள் வருகை., வாக்குகள்., பின்னூட்டம் ஆகியவை தான் என்னை அந்த இடத்திற்கு உயர்த்தியிருக்கிறது.! என் மீது கொண்டிருக்கும் அன்பிற்கும் தொடர்ந்து எனக்கு அளித்துவரும் ஆதரவிற்கும் மிக்க நன்றி நண்பர்களே.! உங்கள் ஆதரவோடு.. இறைவனின் ஆசியும் இருந்தால் நான் இன்னும் மேலே வருவேன் என்று நம்புகிறேன்.! விரைவில்., ஒரு பயனுள்ள பதிவின் வாயிலாக உங்களை சந்திக்கிறேன்., நன்றி.. வணக்கம்.!

	Tweet

பதிவுகளை தவறவிடாமல் வாசிக்க உங்கள் மின்னஞ்சல் முகவரியை கீழே உள்ளிட்டு பதிவு செய்து கொள்ளுங்கள்